Аўдыторыя дзяржаўных СМІ РФ абрынулася на дзясяткі адсоткаў
9- 9.01.2025, 20:00
- 9,230
Прапаганда стаміла расейцаў.
Расейскія дзяржаўныя СМІ страцілі мільёны чытачоў і гледачоў у 2024 годзе. Галоўным аўтсайдарам стала любімая газета прэзідэнта Уладзіміра Пуціна «Камсамольская праўда» (КП), якая вясной будзе адзначаць стагоддзе. За год таблоід страціў амаль траціну аўдыторыі: сярэднесутачная наведвальнасць сайта КП скарацілася з 6,5 млн да 4,3 млн карыстальнікаў, піша «Можам растлумачыць» са спасылкай на статыстыку LiveInternet.
Кожнага пятага чытача не далічыўся «Маскоўскі камсамолец» (-22%). Замыкае тройку лідараў антырэйтынгу «Газета.ру» – яе аўдыторыя паменшылася на 14%. Следам ідуць «РІА Навіны» і «Лента.ру», папулярнасць якіх упала на 12% і 11% адпаведна. Найменшымі стратамі абышоўся ТАСС, які атрымаў новага гендырэктара ў ліпені 2023 года праз незадаволенасць уладаў залішне падрабязным асвятленнем мяцяжу ПВК «Вагнер». Інфармацыяй агенцтва сталі карыстацца на 3% менш грамадзянаў.
Праселі і федэральныя тэлеканалы, дзе ў шматгадзінных ток-шоу расейцаў пераконваюць у поспехах эканомікі, слушнасці вайны з Украінай, прапануюць аднавіць сталінскія рэпрэсіі і ўдарыць ядзернай зброяй па Еўропе. Напрыклад, НТВ страціў 13% сваіх гледачоў. Статыстыка ў LiveInternet у Першага канала закрытая. Аднак, паводле звестак Mediascope, у 2024 годзе некалі галоўная кнопка расейскай тэлевізіі ўпершыню ў гісторыі апусцілася на 5 месца ў сярэднясутачнай аўдыторыі, саступіўшы РЕН ТБ. Усяго ж з пачатку расейскага ўварвання ва Украіну Першы канал страціў амаль чвэрць гледачоў.
Нягледзячы на гэта, улады прадаўжаюць уліваць гіганцкія грошы ў прапаганду. У бюджэт-2025 урад заклаў павелічэнне фінансавання дзяржаўных тэлеканалаў, СМІ і інтэрнэт-праектаў да новага гістарычнага рэкорду – 137,2 млрд рублёў. Гэта на 15,9 млрд рублёў, або 13%, больш, чым у 2024 годзе.
У сярэднім прапаганда будзе абыходзіцца бюджэту на 11,4 млрд расейскіх рублёў на месяц або 2,6 млрд рублёў на тыдзень, а галоўнымі атрымальнікамі сродкаў застануцца дзяржаўныя тэлеканалы. Першая кнопка атрымае адрасную субсідыю на 6 млрд рублёў для «напаўнення тэлеэфіру». Яшчэ 18,6 млрд рублёў закладзена ў бюджэце для Першага канала, НТВ, ВДТРК, Грамадскай тэлевізіі Расеі і канала «Карусель» на аплату трансляцый у населеных пунктах, дзе пражываюць менш за 100 тысячаў чалавек.
На 17%, да 10,9 млрд рублёў, павялічыцца фінансаванне галаўной структуры «РІА Навіны» – МІА «Расея Сёння» пад кіраўніцтвам Дзмітрыя Кісялёва. Выдаткі на ТАСС падскочаць на 26%, да 4,8 млрд рублёў. Акрамя таго, да бюджэтных грошай падключаць агенцтва «Рэгнум» і «Камсамольскую праўду», якія ў 2024 годзе дзяржфінансавання не атрымлівалі: першаму прадугледжаная субсідыя на 152 млн рублёў, другому – на 438,7 млн.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
