ЗСУ рассяклі «Добрапольскі выступ»
12- 1.10.2025, 22:17
- 16,948
Украінскія воіны працягваюць контрнаступ.
Украінскія абаронцы працягваюць контрнаступ на Добрапольскім накірунку. За мінулыя суткі яны прасунуліся да 1400 метраў.
Пра гэта паведамляе Charter97.org са спасылкай на галоўнакамандуючага ЗСУ Аляксандра Сырскага ў Telegram.
Паводле слоў генерала, ён з’ездзіў да ўкраінскіх абаронцаў на Добрапольскі накірунак, дзе працягваецца контрнаступальная аперацыя. Там ён разам з камандзірамі вайсковых часцей прааналізаваў выкананне канкрэтных задач. Таксама Сырскі ўдакладніў задачы з улікам актуальнай сітуацыі і падкрэсліў неабходнасць захавання жыццяў украінскіх воінаў.
«Нашы сілы абароны рассяклі так званы «Добрапольскі выступ» праціўніка і робяць усё, каб нанесці расійскім акупантам максімальныя страты», — сказаў галоўнакамандуючы.
Ён адзначыў, што за мінулыя суткі ЗСУ аднавілі кантроль над 2,2 квадратнымі кіламетрамі тэрыторыі. Таксама ўкраінскія воіны правялі ўдарна-пошукавыя дзеянні дзеля знішчэння ворага на тэрыторыі 3 квадратных кіламетраў у Пакроўскім раёне.
«Нашы штурмавыя падраздзяленні на асобных напрамках прасунуліся ад 100 м да 1400 м. У ходзе баявых дзеянняў тут былі ліквідаваныя 52 акупанты, а агульныя страты праціўніка за суткі склалі 80 чалавек», — дадаў генерал.
За час украінскага контрнаступу ў Пакроўскім раёне ўдалося вызваліць 177,8 квадратнага кіламетра тэрыторыі. Яшчэ 198,9 квадратнага кіламетра былі ачышчаныя ад дыверсантаў.
Расіяне страцілі 3320 чалавек, з іх беззваротныя страты — 1864.
Таксама расіяне засталіся без:
14 танкаў;
38 баявых браняваных машын;
202 артсістэм;
5 РСЗА;
453 адзінкі аўтатэхнікі;
61 матацыкла і квадрацыкла;
197 дронаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
