Дэбютаваў самы даступны электракросовер Renault

Аўтамабіль стаў выразнейшы звонку і сучаснейшы ўнутры.

Прадстаўлены новы электрамабіль Renault Kwid E-Tech. Танны кросовер стаў выразнейшы звонку і сучаснейшы ўнутры.

Электракросовер Renault Kwid E-Tech прайшоў мадэрнізацыю і дэбютаваў у Бразіліі. Там ён ужо выходзіць на рынак з цэнай ад 99 900 рэалаў ($18 200), то бок танней за бензінавы Renault Duster. Падрабязнасці аб аўтамабілі апублікаваныя на афіцыйным сайце вытворцы.

3,7-метровы электрамабіль Renault Kwid E-Tech (у некаторых краінах ён называецца City K-ZE) — брат-блізнюк Dacia Spring. Паколькі нядаўна румынская мадэль абнавілася, цяпер асвяжылі і Renault.

Як і Dacia, кросовер Renault Kwid E-Tech атрымаў новыя пярэднюю і заднюю часткі. Яму замянілі фары, ліхтары, бамперы, фальшрадыятарную рашотку і дзверы багажніка.

У салоне ўсталявалі новыя кіравальнае кола, пярэднюю панэль і лічбавы прыборны шчыток, а таксама павялічаны 10-цалевы тачскрын. Да таго ж палепшылі ўнутранае аздабленне.

Сілавы агрэгат не зведаў змяненняў. Новы Renault Kwid E-Tech захаваў 65-моцны электрарухавік і батарэю ёмістасцю 26,8 кВт·г. Запас ходу складае 257 км. Праўда, неўзабаве можа з’явіцца больш магутная 100-моцная версія, бо роднасны кросовер Dacia Spring нядаўна яе атрымаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com