З Мінска пачаліся прамыя рэйсы ў В'етнам

Колькі каштуюць квіткі?

Першы рэйс з Мінска на в'етнамскі востраў Фукуок адбыўся 11 кастрычніка. Яго выконвае Belavia. Пра гэта ў сваім тэлеграм-канале паведамляе Нацыянальны аэрапорт.

«Васільковы Airbus A330−200 ужо выляцеў з Нацыянальнага аэрапорта Мінск і ўзяў курс на Фукуок», — адзначае аэрапорт.

Як паведамляе дзяржаўны канал СТВ, Airbus A330−200 — самалёт падвышанай камфортнасці, умяшчальнасць — больш за 280 пасажыраў. Экіпаж — 12 чалавек. Паміж Мінскам і Фукуокам каля 8000 км, таму пасажыры правядуць у паветры каля 10 гадзін. За гэты час на борце ім будзе прадастаўлена двухразовае гарачае харчаванне.

Рэйс будзе чартарным і паводле плану будзе адпраўляцца раз на 11 дзён. Туры пад рэйсы прадае тураператар «Аэробелсервис». Так, напрыклад, у лістападзе пуцёўка на востраў Фукуок з Мінска будзе каштаваць ад 1 917 долараў на 10 дзён. У студзені — ад 1 788 на 11 начэй.

— Першыя рэйсы ў нас запоўненыя поўнасцю ў той бок, паколькі гэта чартарны рэйс, — расказаў намеснік гендырэктара Belavia Глеб Пархамовіч. — І, паводле інфармацыі тураператара, практычна да вясны яна поўная.

Як падкрэслівае Нацаэрапорт, Фукуок — другі «дальнамагістральны накірунак Belavia».

«Першы быў адкрыты некалькі дзён таму ў горадзе Санья на кітайскай выспе Хайнань. І зусім хутка на карце маршрутаў з'явіцца Шры-Ланка», — гаворыцца ў паведамленні аэрапорта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com