Орбан зноў грае на руку Крамлю
18- 12.10.2025, 2:43
- 9,166
Прэм’ер Венгрыі збірае подпісы супраць абарончага плана ЕС і падтрымкі Украіны.
Прэм’ер-міністр Венгрыі Віктар Орбан абвясціў у краіне збор подпісаў супраць плана абароны, які абмяркоўваюць лідары краін-членаў Еўрапейскага саюза, піша «Медуза».
Удзень 11 кастрычніка Орбан апублікаваў некалькі фотаздымкаў з фермерскага рынку Пештэржэбет, на адным з якіх ён падпісвае петыцыю «супраць ваенных планаў ЕС».
— Нас чакае гарачая восень. Еўропа імкліва набліжаецца да вайны. Некалькі тыдняў таму ў Капенгагене быў прадстаўлены ваенны план Бруселя: Еўропа плаціць, украінцы ваююць, а Расія будзе знясіленая, — напісаў Орбан у сваім акаўнце ў Facebook.
Паводле слоў Орбана, на саміце ЕС, які прайшоў у сталіцы Даніі на пачатку кастрычніка, ён «ясна даў зразумець — мы гэтага не прасілі». Пасля гэтага, заявіў ён, супраць Венгрыі «была разгорнута кампанія», якая ўключае «абвінавачанні ў шпіянажы, скандалы з фальшывымі навінамі і юрыдычныя маніпуляцыі».
Ключавой тэмай саміту ў Капенгагене была абарона ЕС ад пагрозы з боку Расіі. Сустрэча лідараў краін-членаў Еўрапейскага саюза праходзіла на фоне пачашчэння выпадкаў парушэння расійскімі беспілотнікамі паветранай прасторы краін ЕС. Абмяркоўвалася, у прыватнасці, стварэнне «сцяны дронаў» для абароны Еўропы і скаардынаваная сістэма маніторынгу паветранай прасторы. У саміце браў удзел прэзідэнт Украіны Уладзімір Зяленскі, які, у прыватнасці, заявіў, што яго краіна гатовая дзяліцца досведам і ведамі, атрыманымі ў вайне з Расіяй.
Урад Венгрыі на чале з Віктарам Орбанам неаднаразова крытыкаваў розныя ініцыятывы ЕС, у тым ліку выступаў супраць уступлення Украіны ў Еўрасаюз і не падтрымліваў некаторыя санкцыі ў дачыненні да Расіі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
