«Гіпермаркет абрынуўся»: беспілотнікі атакавалі часова акупаваны Данецк

Гараць склады арміі РФ.

Увечары 11 кастрычніка ў часова акупаваным Данецку прагрымелі выбухі. Пасля гэтага ўспыхнуў пажар у гіпермаркеце «Сігма», які расійскія акупанты калісьці «адціснулі». Раней на гэтым месцы працаваў украінскі «Ашан», паведамляе OBOZ.UA.

Мясцовыя жыхары паспяшылі распавесці пра інцыдэнт у сацсетках, дадаючы відэа і фота з месца здарэння. Паводле іх слоў, паблізу гіпермаркета размешчаныя склады арміі РФ, адкуль былі чутныя паўторныя выбухі.

Адзін з жыхароў распавёў, што над горадам праляталі чатыры беспілотнікі.

«Было чутна, як збіваюць, і адразу — выбух. Потым пачало дэтанаваць. Зірнулі — гарыць «Сігма». Агонь перакінуўся на пасадку. Мы не раз бачылі, як там увечары стаялі ваенныя машыны», – сказаў суразмоўца.

Іншы жыхар пацвердзіў, што гарыць былы «Ашан»:

«Амаль згарэў. Дым цягне проста на жылыя дамы. Пажарных машын не відаць, падобна, няма чым тушыць».

«Гіпермаркет «Сігма» абрынуўся», — пазней паведаміў мясцовы тэлеграм-канал.

Мясцовыя адзначаюць, што выбухі ў Данецку пачулі каля 22:30.

Гіпермаркет «Сігма-Ленд» размешчаны на выездзе з горада ў напрамку Макееўкі.

Відавочцы кажуць, што детонацыі працягваюцца і цяпер, а полымя відаць з некалькіх раёнаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com