У Рэспубліцы Сербскай прызначылі часовага прэзідэнта

Палітык будзе займаць гэтую пасаду на працягу аднаго месяца.

Парламент Рэспублікі Сербскай прызначыў часовага прэзідэнта пасля таго, як суд адхіліў ад палітыкі прарасійскага лідара Міларада Додзіка.

Пра гэта піша Reuters.

У суботу, 18 кастрычніка, парламент Рэспублікі Сербскай прызначыў Ану Трышыч Бабіч часовым прэзідэнтам, упершыню афіцыйна прызнаўшы, што Додзік сыходзіць у адстаўку пасля таго, як дзяржаўны суд забараніў яму займацца палітыкай.

Трышыч Бабіч, блізкая паплечніца Додзіка, будзе займаць гэтую пасаду цягам аднаго месяца, пакуль 23 лістапада ў Рэспубліцы Сербскай не адбудуцца новыя прэзідэнцкія выбары.

Парламент таксама скасаваў шэраг сепаратысцкіх законаў, прынятых за апошні год, пасля таго, як супраць Додзіка вылучылі абвінавачанні ў невыкананні рашэнняў міжнароднага прадстаўніка і канстытуцыйнага суда.

Додзік заявіў, што нягледзячы на галасаванне парламента, Рэспубліка Сербская «не зменіць сваю палітыку», а аддзяленне застаецца яго канчатковай мэтай.

Нагадаем, Рэспубліка Сербская не мае прэзідэнта з жніўня, калі быў пацверджаны прысуд Додзіку за непадпарадкаванне рашэнням высокага прадстаўніка міжнароднай супольнасці ў Босніі і Герцагавіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com