Беларус купіў капучына, а са здачай атрымаў незвычайную манету

За яе можна выручыць у 22 разы больш за намінал.

Для мінчаніна Аляксея нечаканым бонусам пасля пакупкі капучына ў кавярні стала калекцыйная манета. Яе ўжо не прадаюць у Нацбанку, а знатакі гатовыя скупляць па цане ў 22 разы вышэй за намінал, піша Myfin.by.

Незвычайная манета трапіла ў здачу, якую мужчыне далі ў кавярні.

— Спачатку я і не зразумеў, што манета нейкая асаблівая, — расказаў мінчанін.

Аказалася, Аляксею трапіліся два новыя беларускія рублі серыі «Гісторыя беларускай чыгункі. Цягнікі». Сёлета ўлетку манету можна было купіць у касе Нацбанка за 11 рублёў, гэта значыць у 5,5 раза даражэй за намінал.

Прама цяпер манета да пакупкі недаступная — на сайце Нацбанка яе няма ў наяўнасці. Затое яе можна знайсці на сайце «Белнумізматыкі». За яе просяць 45,6 рублёў — гэта значыць суму, у 22,5 раза вышэй за намінал.

На сайце беларускага інтэрнэт-аўкцыёна Ау.by усю калекцыю серыі прадаюць за 94 BYN.

Як заўважыла «Зеркало», на пляцоўцы Kufar.by пяць такіх калекцыйных грашовых адзінак прапануюць за 120 рублёў.

Як патлумачыў Myfin.by нумізмат Сяргей Колбун, тое, што памятная манета трапіла да Аляксея, — гэта выпадковасць. Ці можна наогул разлічвацца памятнай манетай?

— Так, плаціць можна. Усе памятныя манеты, выпушчаныя ў абарачэнне Нацыянальным банкам, з’яўляюцца законным плацежным сродкам па намінале банкноты або манеты. Гэта значыць, нягледзячы на тое, што Нацбанк выставіў за гэтую манету цану ў 11 рублёў, у краме яе прымуць, як звычайныя 2 рублі, — патлумачыў эксперт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com