У Беларусі павысяць падатак на нерухомасць

Але не для ўсіх.

Міністр фінансаў Юрый Селіверстаў расказаў у эфіры дзяржаўнага ТБ пра падрыхтоўку павышэння ставак падаткаў для ўладальнікаў кватэр вялікай плошчы. Пра гэта піша БелТА.

Мова пра тых, хто мае кватэры плошчай больш за 150 квадратных метраў. А таксама — гэта наступны крок у градацыі — пра ўладальнікаў кватэр плошчай звыш 250 «квадратаў».

«Магчыма, не ўсе нават ведаюць, што такія існуюць, але яны ёсць, іх насамрэч тысячы», — заўважыў Селіверстаў.

Паводле яго слоў, Мінфін прапануе ўстанавіць для ўладальнікаў кватэр плошчай больш за 150 метраў каэфіцыент 2 і каэфіцыент 3 для тых, у каго «квадратаў» больш за 250.

Для прыватных дамоў парогі плануюць усталяваць таксама па двух планках: крыху павышаная стаўка пры плошчы дома ад 200 «квадратаў», яшчэ вышэйшая — пры 300 квадратных метрах.

Кіраўнік фінансавага ведамства адзначыў наконт колькасці ўладальнікаў жылля вялікага метражу:

«Паводле ацэнак, прыблізна 27 тысяч падаткаплатнікаў падпадаюць».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com