Беларусаў чакае першы галалёд
2- 19.10.2025, 19:59
- 7,256
Будзьце асцярожныя.
Белгідрамет папярэдзіў, што ўначы і раніцай у панядзелак, 20 кастрычніка, у асобных раёнах Беларусі чакаецца туман.
20 кастрычніка ў Беларусі прагназуецца воблачна, але без ападкаў, слабы паўночны вецер, паведамляе сайт pogoda.by. Дажджы магчымыя на ўсходзе краіны. Уначы і раніцай у асобных раёнах будзе слабы галалёд. Мінімальная начная тэмпература паветра будзе вагацца ад -4 градусаў на захадзе да +7 градусаў на ўсходзе, максімальная ўдзень будзе ў межах ад +5 да +11 градусаў.
Прыблізна такое ж ненастнае, халоднае, з туманамі і галалёдам па раніцах, з начнымі замаразкамі надвор'е прагназуецца ў Беларусі і на пачатку тыдня, 21–22 кастрычніка.