Трамп назваў «наркабаронам» прэзідэнта Калумбіі

І пачаў яму пагражаць.

Прэзідэнт ЗША Дональд Трамп услед за Венесуэлай знайшоў яшчэ аднаго «лідэра наркагандлю» ў Лацінскай Амерыцы. Паводле версіі Трампа, гэта прэзідэнт Калумбіі Густаў Петра.

Пра гэта Трамп піша ў сваёй сацыяльнай сетцы (Truth Socialhttps://truthsocial.com/@realDonaldTrump).

«Прэзідэнт Калумбіі Густаў Петра з'яўляецца незаконным гандляром наркотыкамі, які маштабна заахвочвае масавую вытворчасць наркотыкаў, як на вялікіх, так і на малых палях, па ўсёй Калумбіі. Гэта стала, безумоўна, найбуйнейшым бізнесам у Калумбіі, і Петра нічога не робіць, каб спыніць гэта, нягледзячы на маштабныя плацяжы і субсідыі з боку ЗША, якія з'яўляюцца доўгатэрміновым абдзіраннем Амерыкі», — напісаў Трамп.

Ён заявіў, што «вытворчасць наркотыкаў» у Калумбіі мае мэтай «продаж велізарнай колькасці прадукцыі ў Злучаныя Штаты» і заявіў, што ЗША больш не будуць аказваць фінансавую падтрымку краіне.

«Петру, нізкарэйтынгаваму і вельмі непапулярнаму лідару... лепш неадкладна закрыць гэтыя палі смерці, інакш Злучаныя Штаты закрыюць іх за яго, і гэта будзе зроблена няпрыгожа», — дадаў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com