«Вострыя казыркі» атрымаюць працяг

Стваральнік культавага серыяла зоймецца вытворчасцю сіквела.

Стваральнік культавага серыяла «Вострыя казыркі» Стывен Найт абвясціў пра запуск новага праекта, які стане працягам гісторыі сям'і Шэлбі. Пра гэта паведамляе Deadline.

Дзеянне сіквела разгорнецца ў 1953 годзе — у Бірмінгеме, што аднаўляецца пасля Другой сусветнай вайны. У цэнтры сюжэту апынецца новае пакаленне сям'і Шэлбі, уцягнутае ў жорсткую барацьбу за кантроль над маштабным праектам рэканструкцыі горада.

Як паведамілі стваральнікі, серыял будзе складацца з двух сезонаў па шэсць серый. Ліндсі Солт, дырэктарка драматычнага аддзела BBC, заявіла, што новы праект працягне традыцыі серыяла, «які змяніў правілы гульні ў жанры крымінальнай драмы». Стывен Найт, у сваю чаргу, пракаментаваў навіну фразай: «Нас чакае вар'яцкае падарожжа».

Іншай інфармацыі пра працяг «Вострых казыркоў» пакуль няма. Арыгінальны серыял, што стартаваў у 2013 годзе, стаў сусветным феноменам. Праект атрымаў прэмію BAFTA за найлепшы драматычны серыял і заваяваў мільёны прыхільнікаў па ўсім свеце.

Таксама Deadline раскрывае, што поўнаметражны фільм па матывах «Вострых казыркоў» знаходзіцца на стадыі постпрадакшну і, як чакаецца, выйдзе ў наступным годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com