Доктар Камароўскі: Пуцін знаходзіцца далёка за межамі адэкватнасці, логікі і здаровага сэнсу

Нават пры найлепшай медыцыне і лекарах дыктатар РФ усё роўна не зможа пражыць 150 гадоў.

У адной добрай кампаніі Пуцін загаварыў пра тое, што было б нядрэнна пражыць да 150 гадоў. Але гэта немагчыма ні тэарэтычна, ні практычна. Такі ўзрост для чалавека — гэта абсурд. Прынамсі пры нашым цяперашнім разуменні таго, як працуе арганізм і якія існуюць механізмы старэння. Мы не можам патлумачыць нават узрост тых адзінкавых людзей, якія дажываюць да 110. А зразумець, як масава можна да гэтай лічбы дайсці, апрыёры немагчыма.

Раней існавала тэндэнцыя да росту працягласці жыцця, а цяпер яна спынілася. Мы практычна дасягнулі мяжы таго, на што здольная сучасная медыцына.

Чаму ж пры наяўнасці выдатнага медыцынскага абслугоўвання, ранняй дыягностыкі, найлепшых лекараў свету такі чалавек, як Пуцін, не можа пражыць 150 гадоў? Бо супраць генетыкі нікуды не дзенешся. Так, у яго ў той час і ў тых умовах былі бацькі-доўгажыхары. Але ўсё ж яны не дацягнулі да 100 гадоў. Пытанне ў іншым: ён нічога не зможа зрабіць са сваім арганізмам. Яму можна перасадзіць новае сэрца, ныркі, лёгкія, але што зробіш з крывяноснымі пасудзінамі галаўнога мозгу? Нічога. Яны ўжо відавочна «варацца» не ў той бок.

Далей будзе толькі горш: з кроўазабеспячэннем мозгу, з мысленчымі працэсамі. А месца, якое чалавек займае пад сонцам, застаецца тым самым.

Чалавек не можа пры любым узроўні аховы здароўя ў 80 гадоў захоўваць яснасць мыслення. Ні на пасадзе прэзідэнта Расіі, ні на пасадзе прэзідэнта ЗША. Гэта немагчыма. Зараз модныя спецыялісты вывучаюць палеафекаліі — скаменелыя какашкі. Гэта асобны напрамак у археалогіі. Яны знаходзяць такія ўзоры і па іх вызначаюць, чым харчаваліся людзі, якія іх пакінулі. Так і мы даследуем Пуціна.

Магу сказаць як доктар: у Пуціна ўжо змяніўся тэмбр голасу. У 2022 годзе ён гаварыў больш бадзёра. Тая ж міміка, тыя ж грымасы, уменне захоўваць абсалютна непранікальнае аблічча і пры гэтым казаць абсалютную лухту. Але тэмбр голасу ўжо не той.

Ці можа Пуцін у бліжэйшы час памерці? Гэта не да мяне. Я стараюся не аналізаваць — гэта немагчыма. Але відавочнае адно — Пуцін знаходзіцца далёка за межамі нармальнасці, адэкватнасці, логікі і здаровага сэнсу.

Лекар-педыятр Яўген Камароўскі, «Гордон»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com