Беларусбанк абвясціў пра новыя абмежаванні на зняцце наяўных

З лістапада 2025 года.

«Беларусбанк» абвясціў пра новыя абмежаванні на зняцце наяўных з картак з лістапада 2025 года. Пра падрабязнасці паведамілі ў прэс-службе банка.

У прэс-службе ўдакладнілі, што «Беларусбанк» пастаянна ўдасканальвае тэхналагічныя працэсы, а таксама сэрвісы для надзейнай абароны трымальнікаў картак ад дзеянняў махляроў. І нагадалі, што раней банкам былі ўстаноўлены ліміты на зняцце грошай з выкарыстаннем лічбавых рэквізітаў картак «Беларусбанка» (токенаў, згенераваных у мабільных плацежных сэрвісах) у банкаматах і пунктах выдачы наяўных цягам аднаго дня ў памеры не больш за 600 рублёў з картак «Бархат» і не больш за 1000 рублёў — з іншых картак банка.

У «Беларусбанку» папярэджваюць: з 24 лістапада 2025 названыя ліміты будуць прымяняцца пры зняцці грошай любым бяскантактавым спосабам, у тым ліку з выкарыстаннем лічбавых рэквізітаў картак у банкаматах «Беларусбанка» і іншых банкаў на тэрыторыі Беларусі. За межамі краіны гэтыя аперацыі будуць забаронены.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com