Асяроддзе Пуціна заклікае яго не ляцець у Будапешт
45- 20.10.2025, 21:38
- 48,132
Былы агент СЗР Расіі баіцца, што кіраўніка Крамля ліквідуюць.
Былы афіцэр знешняй разведкі Расіі Андрэй Безрукаў, які раней працаваў пад прыкрыццём у ЗША, заявіў пра нібыта падрыхтоўку «брытанскага замаху» на Пуціна, калі той вырашыць паехаць у Будапешт для сустрэчы з прэзідэнтам ЗША Дональдам Трампам, піша Daily Express (пераклад — сайт Charter97.org).
«Не ездзіце ў Будапешт», — папярэдзіў Безрукаў Пуціна ў эфіры расійскага тэлебачання. Паводле яго слоў, сустрэчу неабходна перанесці ў Дубай, каб пазбегнуць «абсалютна здрадніцкай аперацыі» з боку брытанцаў.
«У мяне вельмі, вельмі сур'ёзныя апасенні наконт Будапешта», — заявіў былы разведчык, цяпер прафесар МГІМО і саветнік «Раснафты». Ён абвінаваціў брытанскія эліты ў жаданні ліквідаваць Пуціна: «Усё іх мысленне ўладкавана так, што калі Пуціна не стане, то праблемы знікнуць… Расія разваліцца».
Безрукаў сцвярджае, што брытанская кіроўная вярхушка «страчвае ўладу» і «рызыкуе ўсім», таму можа пайсці на «ўдар па нас», нібыта прыкрываючыся сустрэчай Пуціна і Трампа.
Доказаў сваім словам ён не прывёў.
Прапагандыст Уладзімір Салаўёў спытаў, як пазбегнуць рызыкі. Безрукаў адказаў: «Ёсць цудоўная краіна — Аб'яднаныя Арабскія Эміраты». Ён прапанаваў правесці перамовы там.
Салаўёў заўважыў, што Пуцін «настолькі адважны», што, магчыма, усё ж паедзе ў Будапешт. На гэта Безрукаў адказаў: «Часам адвага — не самае галоўнае. Вярхоўны галоўнакамандуючы прадстаўляе краіну, і інтарэсы краіны важнейшыя за адвагу аднаго чалавека».
Меркаваны візіт Пуціна ў Венгрыю стаў бы першым з пачатку вайны супраць Украіны. Будапешт раней паабяцаў Маскве, што не будзе выконваць ордэр Міжнароднага крымінальнага суда на арышт расійскага лідара.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
