Трамп зрабіў новую гучную заяву пра вайну ва Украіне

Ён адзначыў, што ў ЗША ёсць зброя, пра якую людзі нават не ўяўляюць.

Прэзідэнт ЗША Дональд Трамп заявіў, што Украіна яшчэ можа выйграць вайну. Такую заяву ён зрабіў падчас двухбаковага абеду з прэм’ер-міністрам Аўстраліі Энтані Албанізам, паведамляе «УНІАН».

Журналістка спытала ў амерыканскага лідара, ці працягвае ён верыць у тое, што Украіна выйграе вайну і верне свае тэрыторыі. Яна нагадала, што менавіта пра гэта казаў Трамп яшчэ да сваёй размовы з расійскім дыктатарам Пуціным 16 кастрычніка.

- Яны яшчэ могуць перамагчы. Я сказаў, што яны могуць выйграць што заўгодна. Вайна — вельмі дзіўная рэч. Не думаю, што яны гэта зробяць, але могуць. Я ніколі не казаў, што яны перамогуць. Я сказаў, што яны могуць перамагчы, — адказаў прэзідэнт ЗША.

Трамп дадаў, што Пуцін і прэзідэнт Украіны Уладзімір Зяленскі ненавідзяць адзін аднаго. Паводле яго слоў, гэта ўскладняе сітуацыю.

Акрамя таго, прэзідэнт ЗША заявіў, што падчас апошняй размовы з Пуціным ён прасіў кіраўніка Крамля перастаць атакаваць грамадзянскіх ва Украіне. Тым не менш ён не паведаміў, які адказ даў Пуцін.

Таксама Трамп адказаў на пытанне журналіста, ці абмяркоўваліся з Пуціным атакі Расіі на грамадзянскія раёны Украіны ўвогуле.

- Так. Але большасць загінулых — гэта салдаты, — адказаў прэзідэнт ЗША.

Трамп адзначыў, што ў ЗША ёсць зброя, пра якую людзі нават не ўяўляюць. Тым не менш ён не стаў раскрываць ніякіх падрабязнасцяў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com