Адзін прадукт на сняданак зробіць пачатак дня ідэальным

Доктар дала чатыры парады, якія дапамогуць прачынацца лягчэй.

Мільёны людзей у свеце пакутуюць ад бяссонніцы, але, як высветлілася, палепшыць якасць адпачынку можна дзякуючы правільнаму сняданку. Экспертка па сне, доктар Дэбора Лі з Doctor Fox распавяла, якую менавіта ежу варта ўжываць раніцай, каб лягчэй засынаць і прачынацца бадзёрымі.

Пра гэта паведаміла выданне Express.

Паводле слоў спецыялісткі, ідэальны пачатак дня — гэта сняданак, які спалучае бялкі і вугляводы. Найлепшым варыянтам яна называе яйкі, бо яны забяспечваюць арганізм якасным бялком, які падтрымлівае энергію і стабілізуе ўзровень цукру ў крыві. Амлет з сырам або мясам, паводле яе слоў, дапаможа адчуць сябе больш актыўным і падрыхтуе цела да прадуктыўнага дня.

У той жа час экспертка раіць пазбягаць салодкіх сухіх сняданкаў — яны рэзка павышаюць узровень глюкозы, што можа зрабіць чалавека дрымотным ужо праз некалькі гадзін пасля абуджэння.

Доктар Лі таксама дала чатыры парады, якія дапамогуць прачынацца лягчэй:

Не піць каву адразу пасля абуджэння. Варта пачакаць не менш за 45 хвілін — тады эфект кафеіну будзе мацнейшы.

Прытрымлівацца стабільнага рэжыму сну. Клацца і ўставаць у адзін і той самы час нават у выхадныя.

Рабіць лёгкую зарадку. 30-хвілінная прагулянка або ранішняя трэніроўка дапамагаюць хутчэй актывізавацца.

Даць целу святло. Адкрытыя фіранкі або спецыяльныя «лямпы шчасця» сігналізуюць мазгу, што наступіла раніца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com