Карціну Пікаса знайшлі ў Іспаніі праз некалькі тыдняў пасля таго, як яна таямніча знікла
- 24.10.2025, 17:28
- 3,074
Карціну шукала спецыяльная брыгада іспанскай паліцыі.
У Іспаніі паліцыя знайшла малюнак мастака Пабла Пікаса 1919 года, які 10 кастрычніка таямніча знік непасрэдна перад правядзеннем выставы на поўдні краіны, паведамляе (Reuters https://www.reuters.com/lifestyle/missing-picasso-painting-found-madrid-weeks-after-vanishing-2025-10-24/).
Абставіны выяўлення карціны пакуль невядомыя. Аднак у афіцыйнай заяве паліцыя, паведамляючы, што расследаванне вядзецца, выказала здагадку, што працу, магчыма, не пагрузілі ў грузавік падчас перавозкі — а страчана яна была менавіта па дарозе з Мадрыда ў Гранаду.
Расследаванне інцыдэнту вяла спецыяльная брыгада па ахове гістарычнай спадчыны. Пры гэтым паліцыя афіцыйна не паведамляла, ці сапраўды было здзейснена злачынства, ці мае месца нядбайнасць.
Ідзе пра невялікую карціну Пікаса Naturaleza muerta con guitarra (Натюрморт з гітарай — рэд.), якая належала прыватнаму калекцыянеру. Яна знікла падчас перавозкі вялікай партыі карцін на выставу ў Гранаду.
Лічыцца, што яе упакавалі разам з 57 іншымі творамі і павезлі грузавіком у Гранаду. Спыненняў у дарозе амаль не было, а груз да распакоўкі ніхто не чапаў, калі і высветлілася, што аднаго твора бракуе. Іспанскі фонд, які арганізоўваў выставу, перадаў праваахоўнікам відэа, на якім бачна, што замест 58 карцін са скрынак дасталі толькі 57 адзінак.
Заўважым, што ў Францыі нядаўна адбылося літаральна «рабаванне года». Вядомы музей Лувр у Парыжы давялося тэрмінова закрыць пасля крадзяжу васьмі каштоўнасцяў з Галерэі Апалона.
Агульны кошт выкрадзенага ацэньваецца ў 88 мільёнаў еўра.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
