Беларускія хірургі правялі ўнікальную аперацыю

Пацыенту з інфарктам уратавалі жыццё без адкрыцця грудной клеткі.

24 кастрычніка ў Беларусі ўпершыню была праведзена ўнікальная аперацыя — эндаваскулярнае пратэзаванне клапана лёгачнай артэрыі і стэнціраванне каранарных артэрый, якая ўратавала жыццё пацыенту з інфарктам, паведамілі ў Мінздароўі.

Аперацыю выканала сумесная брыгада спецыялістаў Гродзенскага абласнога клінічнага кардыялагічнага цэнтра і РНПЦ дзіцячай хірургіі.

Адметнасць умяшання ў тым, што пацыенту ўпершыню спатрэбілася такая аперацыя з-за вострага інфаркту міякарда і значнага стэнозу клапана лёгачнай артэрыі на фоне скарэктаванай у дзяцінстве прыроджанай заганы сэрца — тэтрады Фало.

«Уратаваць пацыента лекарам удалося без адкрытай аперацыі, а менавіта мініінвазіўным метадам эндаваскулярнай хірургіі», — паведамілі ў Мінздароўі.

Аперацыю праводзілі пад кіраўніцтвам загадчыка аддзялення рэнтгенэндаваскулярнай хірургіі Аляксея Максімчыка і загадчыка рэнтгенаперацыйнай РНПЦ дзіцячай хірургіі Паўла Чарнаглаза.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com