Ці былі неандэртальцы здольныя займацца мастацтвам?

Зроблены новыя археалагічныя адкрыцці.

Доўгі час здольнасць да стварэння мастацтва лічылася адметнай рысай сучаснага чалавека. Аднак новыя археалагічныя адкрыцці паказваюць, што неандэртальцы таксама пакінулі па сабе мастацкія сляды — хай і не ў выглядзе выяў жывёл або людзей, як у Homo sapiens, піша The Conversation (пераклад — сайт Charter97.org).

Неандэртальцы, якія насялялі Еўропу і Заходнюю Азію ад 400 000 да 40 000 гадоў таму, стваралі геаметрычныя малюнкі, адбіткі рук і сляды пальцаў на сценах пячор. Гэтыя знаходкі зафіксаваныя ў трох іспанскіх пячорах — Ла-Пасьега, Мальтрав'есо і Ардалес, а таксама ў французскай Ла-Рош-Котар. Аналіз уран-торыевым метадам паказаў, што частка малюнкаў была зробленая больш як 64 000 гадоў таму, то бок задоўга да з'яўлення сучасных людзей у Еўропе.

У пячоры Брюнікель на паўднёва-захадзе Францыі неандэртальцы стваралі больш складаныя канструкцыі: ламалі сталактыты і будавалі з іх авальныя структуры, у якіх распальвалі агонь. Навукоўцы параўноўваюць гэта з праобразам інсталяцыйнага мастацтва.

Нядаўнія даследаванні ў Ла-Рош-Котар пацвердзілі, што хвалістыя і паралельныя лініі на сценах былі нанесены наўмысна. Паколькі ўваход у пячору закрыўся больш як 54 000 гадоў таму, а знойдзеныя прылады належаць неандэртальцам, сумневаў у іх аўтарстве не засталося.

Гэтыя адкрыцці канчаткова абвяргаюць міф пра «прымітыўнасць» неандэртальцаў. Навукоўцы мяркуюць, што падобныя малюнкі маглі адлюстроўваць усведамленне сябе і навакольнага свету — магчыма, першыя праявы ўяўлення ў старажытных людзей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com