Зяленскі пра баі ў Купянску: сітуацыя няпростая, але ў нашых сіл больш кантролю
- 29.10.2025, 23:11
- 2,620
Галоўнакамандуючы ЗСУ далажыў прэзідэнту Украіны пра сітуацыю на фронце.
Сітуацыя ў Купянску застаецца няпростай. Але цяпер украінскія абаронцы маюць больш кантролю.
Пра гэта паведамляе Charter97.org са спасылкай на вячэрні зварот прэзідэнта Украіны Уладзіміра Зяленскага.
Кіраўнік дзяржавы паведаміў, што ён правёў дэталёвую размову з галоўнакамандуючым ЗСУ Аляксандрам Сырскім і начальнікам Генштаба ЗСУ Андрэем Гнатавым пра сітуацыю на фронце. Гаворка ішла пра ўсе напрамкі.
Паводле слоў Зяленскага, найбольш складаная сітуацыя назіраецца на Пакроўскім напрамку, дзе захоўваецца найвышэйшая інтэнсіўнасць баявых дзеянняў. Там па-ранейшаму сканцэнтравана вялікая колькасць акупантаў.
Ён удакладніў, што расійцы спрабуюць замацавацца на Пакроўскім напрамку любымі метадамі, і кожны знішчаны там салдат РФ — гэта вынік для ўсёй Украіны.
«Сітуацыя ў Купянску застаецца няпростай, але ў гэтыя дні больш кантролю ў нашых сіл, працягваем абараняць пазіцыі», — звярнуў увагу прэзідэнт.
Ён дадаў, што за суткі былі зафіксаваныя дзясяткі штурмаў на Аляксандраўскім напрамку.
Зяленскі распавёў, што дэталёва абмеркаваў з Сырскім і Гнатавым планаванне далёкабойных аперацый. Зараз адзіным сцэнарыем застаецца прымус РФ да заканчэння вайны. Гэта можна забяспечыць з дапамогай санкцый свету і ўкраінскіх далёкабойных санкцый.
Таксама важнымі з’яўляюцца аднаўленне Украіны пасля расійскіх удараў і каардынацыя дзеянняў з партнёрамі, звярнуў увагу прэзідэнт.
«І галоўнае — падтрымка нашай арміі, усіх складнікаў сіл абароны і бяспекі Украіны, бо Украіна там, дзе ўкраінскія пазіцыі моцныя», — дадаў ён.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
