У Беларусі ўводзяць змены ў Падатковы кодэкс

Навацыі тычацца праверкі даходаў і выдаткаў фізічных асоб.

Дэпутаты «палаты прадстаўнікоў» сёння ў першым чытанні прынялі праект закона аб унясенні змяненняў у Падатковы кодэкс. Навацыі датычаць падаткаабкладання фізічных асоб, якія зарабляюць на прадукцыі з асабістай падсобнай гаспадаркі. Прычынай змяненняў стала скарга ў Канстытуцыйны Суд.

Навіна закране фізічных асоб, якія атрымліваюць даход ад продажу прадукцыі раслінніцтва і жывёлагадоўлі, вырашчанай на сваёй зямельнай дзялянцы або на дзялянцы сваякоў.

Цяпер такія даходы не абкладаюцца падаткам. Але калі ў дачыненні да фізічнай асобы праводзіцца камеральная праверка адпаведнасці выдаткаў даходам, фізічная асоба можа ў тлумачэннях указваць даходы са сваёй дзялянкі як паходжанне сродкаў. Калі сума даходаў ад асабістай падсобнай гаспадаркі больш за 200 базавых велічынь, трэба заплаціць 10% ад сумы перавышэння.

Паводле новых правілаў, калі чалавек зможа прадставіць пацвярджальныя дакументы аб атрыманні даходу ў названым памеры, ён вызваляецца ад выплаты падаходнага падатку па стаўцы 10%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com