«Жыць у Беларусі цяпер вельмі дорага»
26- 3.10.2025, 18:38
- 19,090
Цэны на тавары «уляцелі ў космас».
У TikTok абмяркоўваюць, як змяніліся цэны на звыклыя прадукты. Напрыклад, кава, якая ў 2017-м каштавала 2,99 рубля за 100 грамаў, сёння абыходзіцца ў чатыры разы даражэй. Людзі ўспамінаюць заробкі мінулых гадоў, параўноўваюць выдаткі на пакупкі з Расіяй і Польшчай, піша «Зеркало».
Беларус знайшоў акцыйны буклет «Еўраопта» ад 2 кастрычніка 2017 года і параўнаў, як змянілася цана на каву Nescafe.
Тады 100 грамаў гэтай кавы можна было купіць за 2,99 рубля са зніжкай (цана без акцыі была 4 рублі з «хвосцікам» — дакладную суму складана разгледзець на відэа). Цяпер такую фасоўку мужчына не знайшоў, у краме быў прадукт у ўпакоўках па 60 і 130 грамаў. На першы з іх цана — 7,89 рубля, а на другі — 14,95. Як відаць па цэнніках, у абодвух выпадках прадукт таксама са зніжкай.
Калі пералічыць цану за кілаграм, то атрымліваецца, што ў 2017-м гэтая кава каштавала 29,9 рубля (але гэта была цана са зніжкай), а цяпер — 131 рубель або 115 рублёў у залежнасці ад фасоўкі.
@barberkastus Кофе с 2017 в 2025 евроопт Беларусь сравнил цену #беларусь #евроопт ♬ QKThr - Aphex Twin
У каментарыях пакупнікі падзяліліся сваім меркаваннем з гэтай нагоды:
«Роўна год таму купляла за 35 рублёў 1 кг такой кавы. Цяпер 35 рублёў — 500 грамаў».
«Ды і заробак быў у разы меншы».
«У 2017-м мой заробак быў 1500 рублёў, а цяпер — 2500. Заробак — 500 пачкаў кавы тады, а цяпер — 200».
«У вас у 2017-м — 1500 рублёў, у мяне ў 2025-м — 1500 рублёў, і тое па налічэнні».
«А я паглядзела на сметанковае масла — падаражэла роўна ў тры разы».
Іншая карыстальніца TikTok расказала, што не была ў Беларусі паўгода, а прыехаўшы ў Мінск, здзівілася, як за гэты час падскочылі цэны. «І за паўгода цэны ўзляцелі проста ўдвая. Сёння былі ў «Хіце» і проста афігелі, — распавядае дзяўчына. — Мы былі ў Расіі, і там вельмі шмат чаго танней, чым у Беларусі. І часам у Мінску нават не танней, чым у Маскве, — па прадуктах і нават па тых жа рэстаранчыках».
Паводле яе слоў, раней яна купляла зефір у шакаладзе за 4 рублі, а цяпер ён каштуе 7.
Яна заявіла, што паступовы рост цэн на грамадскі транспарт і бензін — «гэта ладна», і падаражанне арэнды жытла ў сталіцы яе таксама не здзіўляе. А павелічэнне кошту прадуктаў — «гэта шок».
Некаторыя каментатары з ёй згодзіліся, іншыя ж сцвярджалі, што ўсё не так:
«Цэны ў Беларусі ўляцелі ў космас! Гонка на выжыванне».
«А вы толькі зразумелі, што ў Мінску дорага? У Сочы жыву два гады, тут танней».
«І гэтак жа ў Беларусі значна даражэй, чым у Польшчы».
«Дачка прыехала з Польшчы, проста заміляецца нашымі цэнамі. Маўляў, усё вельмі танна. У нас усё танней у два разы».
«Дык сярэдні заробак у Мінску ўжо 1000 долараў».
«Камуналка значна танней».
«Заробак на месцы (стаіць. — Заўв. рэд.), хоць нейкая стабільнасць».
«Яны моцна знізіліся, вам здаецца».
«Увесь свет раскупляе нашы якасныя прадукты, чаму яны павінны быць таннейшыя за іншыя — гэта рынак».
«Даражэе штодня ўсё, і так — жыць у Беларусі цяпер вельмі дорага».
«У «Камунарцы» пастаянна купляю зефір у шакаладзе, раней было 12−15 рублёў за кг. Зайшла на днях і афігела — 20 рублёў за кг».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
