Забойства Парубія было замоўлена расійскімі спецслужбамі

СБУ раскрыла падрабязнасці вербоўкі выканаўцы.

Падазраваны ў забойстве былога спікера Вярхоўнай Рады Андрэя Парубія дзейнічаў па ўказанні расійскіх спецслужбаў. Яго завербавалі летась.

Пра гэта паведамляе «РБК-Украіна» са спасылкай на Службу бяспекі Украіны ў Telegram.

Украінскія праваахоўныя органы высветлілі, што больш за год таму фігурант пачаў атрымліваць ад расійскіх спецслужбаў заданні і адчытваўся ворагу пра іх выкананне. Спачатку мужчына перадаваў расіянам лакацыі Сіл абароны, а таксама спрабаваў вызначыць час і напрамак руху цягнікоў з палівам.

«Пасля праверкі гатоўнасці агента да выканання больш «складанага» задання расійская спецслужба даручыла яму забіць Андрэя Парубія і прафінансавала падрыхтоўку да гэтага злачынства. Каб выканаць заказ дзяржавы-агрэсара, зламыснік адсочваў распарадак дня і маршруты перамяшчэння народнага дэпутата», — удакладнілі ў СБУ.

Кілер рыхтаваў план уцёкаў пасля забойства, але праваахоўнікі не далі верагоднаму забойцу схавацца і затрымалі яго ў Хмяльніцкай вобласці.

Цяпер яму паведамілі пра падазрэнне ў дзяржаўнай здрадзе. Зараз зламыснік знаходзіцца пад вартай. Яму пагражае пажыццёвы тэрмін з канфіскацыяй маёмасці.

Раней забойства Парубія кваліфікавалі па арт. 112 Крымінальнага кодэкса Украіны (пасяганне на жыццё народнага дэпутата Украіны, учыненае ў сувязі з яго дзяржаўнай дзейнасцю).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com