ЗША не плануюць скарачаць вайсковы кантынгент у Польшчы

Пра гэта заявіў міністр абароны Польшчы.

Міністр абароны Польшчы Уладзіслаў Касіняк-Камыш у чацвер, 30 кастрычніка, заявіў, што ЗША не плануюць скарачаць вайсковы кантынгент у ягонай краіне.

Пра гэта ён паведаміў на сваёй старонцы ў сацсетцы X.

Паводле слоў Касіняка-Камыша, Варшава атрымала пацвярджэнне, што скарачэнне прысутнасці амерыканскіх войскаў у Польшчы не плануецца.

Гэта адбылося пасля размоваў з кіраўніком Пентагона Пітам Хегсетам і перамоваў намесніка міністра абароны Польшчы Паўла Залевскага і начальніка Генеральнага штаба, генерала Вяслава Куколы, з амерыканскім бокам.

Касіняк-Камыш заяўляе, што польска-амерыканскі саюз застаецца трывалым і прымае канкрэтныя меры для ўмацавання бяспекі.

29 кастрычніка выданне G4Media паведаміла, што ЗША плануюць адклікаць каля 800 сваіх вайскоўцаў з Румыніі, а таксама скараціць кантынгент у Балгарыі, Славакіі і Венгрыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com