Расіян прымусяць плаціць за вайну ва Украіне

Крэмль павышае падаткі, каб закрыць дзірку ў бюджэце і прафінансаваць армію.

Новая хваля павышэння падаткаў, якая стартуе ў Расіі з наступнага года, прынясе ў бюджэт-2026 2,3 трыльёна рублёў дадатковых даходаў. Пра гэта ў панядзелак, выступаючы ў Савеце Федэрацыі, паведаміў кіраўнік Мінфіна Антон Сілуанаў.

Ён нагадаў, што ў першую чаргу гаворка ідзе пра павышэнне стаўкі ПДВ — з 20% да 22%, якое, у сваю чаргу, адаб'ецца на бізнесе і цэнах. «ПДВ можа паўплываць на фінансавыя вынікі кампаній; уплыў на інфляцыю ацэньваем прыкладна ў 1%, што мы ўлічваем у прагнозах індэксацыі заробкаў і сацыяльных выплат насельніцтву», — цытуе Сілуанава «Інтэрфакс».

Згодна з тлумачальнай запіскай да закона аб бюджэце, за кошт павялічанага ПДВ улады разлічваюць сабраць у наступным годзе дадаткова 1,189 трлн рублёў. «Агульны аб'ём падатковых змяненняў, якія дазволяць павялічыць даходы бюджэту, у наступным годзе мы разлічваем у памеры 2,3 трлн рублёў», — паведаміў Сілуанаў.

Акрамя ПДВ, дадатковыя грошы ў казну прынясе радыкальная падатковая рэформа для малога бізнесу: з наступнага года парог даходу, які дазваляе працаваць па спрошчанай сістэме падаткаабкладання, будзе зніжаны з 60 да 10 млн рублёў у год. Акрамя таго, запланаваная адмена падатковых льгот для IT-кампаній, якія цяпер плацяць страхавыя ўзносы па паніжанай стаўцы 7,6% (яна вырасце да 15%).

Новы бюджэт паказвае, што за вайну заплацяць расіяне, адзначае Аляксандра Пракапенка, навуковая супрацоўніца Carnegie Russia Eurasia Center. Грошы патрэбныя казне, каб пакрыць дэфіцыт, які ўзнік з-за гіганцкіх абаронных выдаткаў: у наступным годзе на гэтыя мэты закладзена 12,9 трлн рублёў, або амаль 30% бюджэту. А ў сукупнасці сілавікі (уключаючы армію, МУС, Расгвардыю, СК, ФСІН і іншыя структуры) «з'ядуць» амаль 40% выдаткаў казны. «Дзірка» ў бюджэце, паводле разлікаў Мінфіна, складзе 5,7 трлн рублёў у гэтым годзе, 3,8 трлн рублёў — у наступным і яшчэ 6,7 трлн рублёў сумарна за 2027–28 гг.

Улады, відавочна, шукаюць спосабы стабілізаваць становішча ў бюджэце і для гэтага павышаюць падаткі, а таксама скарачаюць выдатковыя артыкулы, канстатуе Сяргей Сувераў, інвестыцыйны стратэг УК «Арыкапітал». Павелічэнне падатковай нагрузкі можа палепшыць сітуацыю з бюджэтнымі даходамі, але адначасова яно «ўдарыць па спажывецкім попытзе і, як вынік, запаволіць эканамічны рост», папярэджвае Сувераў.

У бягучым годзе ўрад РФ ужо правёў найбуйнейшую за дзесяцігоддзі падатковую рэформу: быў павышаны падатак на прыбытак, уведзена дыферэнцыяваная шкала ПДФЛ, а таксама ўзраслі пошліны і акцызы, у тым ліку на паліва. Паводле разлікаў Мінфіна, гэта павінна было прынесці ў бюджэт 3,6 трлн рублёў за год і 17 трлн — за 2025–30 гг.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com