У Беларусі ўводзяць новае валютнае абмежаванне

Застаўся толькі падпіс Лукашэнкі.

«Савет Рэспублікі» 7 кастрычніка адобрыў законапраект, якім маюць намер абмежаваць пазыкі паміж фізічнымі асобамі ў замежнай валюце. Выключэнне — блізкія сваякі. Далей законапраект павінны накіраваць на разгляд Аляксандру Лукашэнку.

Законапраектам хочуць абмежаваць пазыкі паміж фізічнымі асобамі ў замежнай валюце. Выключэнне — блізкія сваякі. Таксама ўлады маюць намер забараніць выдаваць пазыкі насельніцтву пад заклад адзінага жылога дома або кватэры. Яшчэ адна магчымая навіна — увесці абмежаванні на штрафныя санкцыі і працэнты за карыстанне пазычанымі грашамі (ідзецца пра дамовы пазыкі паміж фізічнымі асобамі).

Чыноўнікі таксама хочуць забараніць індывідуальным прадпрымальнікам і юрыдычным асобам, якія не займаюцца мікрафінансавай дзейнасцю, выдаваць крэдыты фізічным асобам. Выключэнне маюць намер зрабіць для пазыкаў, якія наймальнікі выдаюць сваім работнікам.

Таксама ўлады маюць намер увесці забарону на выкарыстанне ў рэкламе рэкламадаўцамі, якія не з'яўляюцца мікрафінансавымі арганізацыямі, у тым ліку ў іх найменнях, слоў «пазыка», «мікрапазыка», «мікрафінансаванне», «грошы ў доўг» або вытворных ад гэтых слоў, — паведамілі ў «Савеце Рэспублікі».

«Прыняцце нормаў, устаноўленых законапраектам, будзе спрыяць узмацненню барацьбы з недабрасумленнымі пазыкадаўцамі, абароне правоў і маёмасных інтарэсаў грамадзян, а таксама скараціць колькасць зваротаў, якія змяшчаюць скаргі на неякаснае аказанне паслуг», — дадалі ў «Савеце Рэспублікі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com