Выйшла кніга пра фальклор беларускіх старавераў

У кнізе — 45 аўтэнтычных песень.

Выйшла кніга Вольгі Барышнікавай «І даўней так пелі: музычны фальклор старавераў паўночна-заходняй Беларусі». Яна прысвечана музычнаму фальклору старавераў Падзвіння, паведамляе тэлеграм-канал «De facto. Беларуская навука».

У кнізе — 45 аўтэнтычных песень (іх можна паслухаць у аўтэнтычным выкананні), расшыфроўкі, этнамузыказнаўчыя каментары на беларускай, рускай і англійскай мовах. А таксама рэдкія запісы размоваў і здымкі, сабраныя або зробленыя падчас фальклорна-этнаграфічных экспедыцый.

Найранейшыя аўдыёзапісы — з 1963 года, а найстарэйшая спявачка, голас якой можна пачуць у выданні, — 1890-х гадоў нараджэння. Кніга складаецца з трох раздзелаў: «Валачобныя песні», «Крутухі, хараводы, пахадушкі», «Лірычныя песні».

Аўтарка кнігі — этнамузыколаг, выкладчыца традыцыйнага спеву Вольга Барышнікава, ураджэнка вёскі Германавічы Шаркоўшчынскага раёна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com