З кім Украіна ўвядзе множнае грамадзянства

Кабмін вызначыў крытэрыі.

Кабмін прыняў важную пастанову аб крытэрыях для краін, з якімі Украіна можа ўвесці множнае грамадзянства.

РБК-Украіна са спасылкай на міністра замежных спраў Украіны Андрэя Сібігу ў Facebook.

«Сёння мы вызначылі крытэрыі дзяржаў, з якімі будзе магчымасць спрашчанага набыцця грамадзянства Украіны, увядзення інстытута множнага грамадзянства. Прыярытэт будзе надавацца тым краінам, якія ўваходзяць у кола найбліжэйшых і надзейных саюзнікаў Украіны», — напісаў Сібіга.

Паводле яго слоў, Украіна будзе ўлічваць наступныя крытэрыі:

сябраства ў G7;

сябраства ў Еўрасаюзе;

увядзенне санкцый супраць РФ за агрэсію супраць Украіны;

падтрымка незалежнасці, суверэнітэту і тэрытарыяльнай цэласнасці Украіны;

пазіцыя пры галасаванні ў міжнародных арганізацыях;

наяўнасць адносін стратэгічнага або іншага віду партнёрства;

узровень і перспектывы развіцця двухбаковых адносін;

фінансавая падтрымка Украіны;

іншыя крытэрыі, якія могуць аказаць істотны ўплыў на забеспячэнне нацыянальных інтарэсаў Украіны ў сферы знешняй і ўнутранай палітыкі.

Ён падкрэсліў, што асноўная аўдыторыя такіх навацый — украінскія грамады за мяжой. Этнічныя ўкраінцы, якія з'яўляюцца грамадзянамі іншых краін, змогуць атрымаць украінскае грамадзянства, не губляючы пры гэтым замежнае.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com