Манетачцы стала кепска на канцэрце ў Рызе

Спявачку тэрмінова гаспіталізавалі проста са сцэны.

Спявачцы Манетачцы давялося перапыніць канцэрт у Рызе. Яна пачала задыхацца на сцэне, і яе забралі на хуткай, піша «Медуза».

Праз нейкі час Манетачка выйшла на сувязь у сацсетках і патлумачыла, што адбылося. Аказалася, што проста падчас выступлення ў спявачкі здарыўся ацёк Квінке.

«Ужо дыхаю нармальна, але пакуль дрэнна ўцямляю. Першай справай вырашыла напісаць вам і папрасіць прабачэння… Рыга, я не ведаю, як нам цяпер быць і як мне загладзіць віну перад вамі», — напісала Манетачка.

Спявачка падзялілася, што такі ацёк з ёй ужо здараўся, але проста падчас канцэрта — упершыню:

«Мне наогул яшчэ ніколі не даводзілася спыняць канцэрт. І гэта жах як непрыемна. Спадзяюся, што больш ніколі не давядзецца гэтага рабіць…»

Відаць, што артыстка вельмі перажывае з-за таго, што адбылося, але ўсе мы людзі, і здароўе важней за ўсё.

Што такое ацёк Квінке?

Ангіянеўратычны ацёк, або ацёк Квінке, — гэта рэакцыя арганізма на біялагічныя або хімічныя фактары, часта звязаная з алергічнай прыродай.

Стан вельмі небяспечны — у хворага хутка, на працягу некалькіх хвілін, ацякаюць розныя часткі цела, можа з’яўляцца сып. Часта ацякаюць твар, рукі, палавыя органы.

У некаторых выпадках ацёк распаўсюджваецца і на галаўны мозг, што выклікае неўралагічныя парушэнні.

Найбольш небяспечнае праяўленне — ацёк гартані. З-за яго чалавек пачынае задыхацца і, калі не аказаць дапамогу своечасова, ён можа памерці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com