TIME: Рабатызаваныя штаны могуць стаць новым пакаленнем касмічных скафандраў
1- 10.11.2025, 17:51
- 2,266
Тэхналогія можа быць карыснай не толькі ў космасе.
Праблема невагомасці даўно турбуе спецыялістаў. Працяглая адсутнасць гравітацыі прыводзіць да атрафіі цягліц, парушэння працы сэрца і страты шчыльнасці костак. Нават пасля вяртання на Зямлю астранаўтам патрэбны час, каб аднавіцца, піша часопіс TIME (пераклад — сайт Charter97.org).
Былая астранаўтка Кейт Рубінс прызнаецца, што пасля 300 дзён на арбіце адчувала сябе як пажылая жанчына. Група даследчыкаў пад кіраўніцтвам Эмануэле Пульвірэнці з Універсітэта Брысталя прапануе новае рашэнне. Каманда распрацавала спецыяльны ніжні пласт для скафандраў у выглядзе рабатызаваных штаноў. Гэты элемент стварае эфект супраціву, які часткова замяняе ўздзеянне зямной гравітацыі.
Штаны складаюцца з двух слаёў і абсталяваныя паветранымі модулямі BAM на ўзроўні каленяў. Калі модулі накачваюцца, рух ног становіцца трошкі цяжэйшым, што прымушае цягліцы працаваць больш актыўна. Тэхналогія BAM раней выкарыстоўвалася для падтрымкі рухаў салдат і людзей з абмежаванай мабільнасцю, але цяпер даследчыкі ўжылі яе наадварот, стварыўшы кантраляваную нагрузку.
Выпрабаванні прайшлі ў лабараторыі L.O.O.P. Еўрапейскага касмічнага агенцтва, дзе мадэлюецца паніжаная гравітацыя Месяца. У эксперыменце ўдзельнічалі шэсць чалавек. Датчыкі паказалі значны рост метабалічнай актыўнасці і ўзмацненне працы ног як у зямных умовах, так і пры імітацыі месяцовай гравітацыі. Пры накачаных BAM метабалізм павялічваўся амаль на 30 працэнтаў.
Пульвірэнці адзначае, што тэхналогія можа быць карыснай не толькі ў космасе. Гібрыдныя касцюмы з рэжымамі падтрымкі і супраціву могуць дапамагчы пацыентам у рэабілітацыі і аднаўленні рухомасці.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
