Створана ўніверсальнае злучэнне для зніжэння цягі да алкаголю

Яго ўжо апрабавалі на мышах.

Вучоныя з Універсітэта Мігеля Эрнандэса распрацавалі злучэнне MCH11, якое значна зніжае цягу да спажывання алкаголю ў мышэй абодвух палоў. Вынікі апублікаваныя ў часопісе Biomedicine & Pharmacotherapy (BioPharm).

Парушэнні, звязаныя з ужываннем алкаголю, штогод прыводзяць больш як да 2,6 мільёна смерцяў, а да 70 % пацыентаў вяртаюцца да залежнасці ўжо цягам першага года тэрапіі. Паводле аўтараў працы, існуючыя лекі часта выклікаюць пабочныя эфекты і не ліквідуюць асноўную прычыну цягі да алкаголю.

Каманда даследчыкаў засяродзілася на эндаканабіноіднай сістэме — сетцы, якая рэгулюе задавальненне, матывацыю і стрэс. Пры алкагалізме яе баланс парушаецца: зніжаецца ўзровень малекулы 2-арахіданоілгліцэрына (2-AG), якая адказвае за кантроль імпульсаў.

MCH11 дзейнічае як інгібітар фермента маноацылгліцэрол-ліпазы, які расшчапляе 2-AG. Блакіруючы гэты фермент, злучэнне павышае канцэнтрацыю 2-AG у мозгу, што змяншае цягу да алкаголю і змякчае сімптомы абстыненцыі.

«MCH11 дапамагае кантраляваць залежнасць, не выклікаючы пабочных эфектаў і не ўплываючы на каардынацыю або кагнітыўныя функцыі. Акрамя таго, прэпарат праяўляе анксіёлітычныя і антыдэпрэсіўныя ўласцівасці», — адзначае кіраўнік даследавання прафесар Хорхе Мансанарэс.

Рэакцыя на лячэнне залежала ад полу: самцы мышэй рэагавалі на нізкія дозы прэпарата, а самкам патрабаваліся больш высокія. Аналіз экспрэсіі генаў паказаў, што MCH11 таксама выпраўляў парушэнні працы генаў (вызваныя ўздзеяннем алкаголю) ў абодвух палоў.

Найбольш моцны эфект назіраўся пры камбінацыі MCH11 і топірамату, прэпарата, які ўжо ўжываецца пры алкагольнай залежнасці. Вучоныя лічаць, што MCH11 можа стаць часткай персаналізаванай тэрапіі, адаптаванай да полу пацыента. Аднак, як падкрэслівае Мансанарэс, да ўкаранення распрацоўкі ў клінічную практыку яшчэ прадстаіць доўгі шлях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com