Шосты дзень пошукаў Максіма: знойдзены ровар хлопчыка

Яго знайшла пешая група.

У Бярэзінскім раёне шосты дзень працягваюцца пошукі 14-гадовага Максіма Зяньковіча, які раніцай 8 лістапада паехаў на ровары ў невядомым кірунку. Ведамствы прапрацоўваюць адразу некалькі версій знікнення хлопчыка, у тым ліку ДТЗ і выкраданне, але прыярытэтнай пакуль застаецца версія, што ён мог заблукаць у лесе. Сёння ў неба ўзнялі верталёт МНС. Неўзабаве быў знойдзены ровар, піша Onliner.

Пошукі, нагадаем, вядуцца кругласутачна. На раніцу чацвярга, 13 лістапада, Максім усё яшчэ не знойдзены.

— Станам на 10:00 сённяшняга дня ў пошуках бяруць удзел: 316 чалавек, 77 адзінак тэхнікі. З іх сілы МНС складаюць: 24 адзінкі тэхнікі, 65 супрацоўнікаў і 1 службовая сабака, — расказала Onlíner афіцыйная прадстаўніца Мінскага абласнога ўпраўлення МНС Алена Нямогай.

Таксама сёння ў пошуках хлопчыка задзейнічана авіяцыя. «З улікам вялікай плошчы тэрыторыі, якая абследуецца, да працы прыцягнута авіяцыя МНС Беларусі. Паветраная разведка дазваляе аператыўна абследаваць цяжкадаступныя ўчасткі мясцовасці і паскарае працу наземных пошукавых груп», паведамляе ведамства.

Пазней стала вядома, што знойдзены ровар хлопчыка. Паводле апошняй інфармацыі ад МНС, пешая група знайшла ровар зніклага падлетка паблізу тарфяных распрацовак непадалёк ад населенага пункта Нестэраўка Бярэзінскага раёна. Авіяцыя МНС вылецела на месца, дзе знайшлі ровар хлопчыка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com