Навукоўцы стварылі гель для аднаўлення эмалі
2- 16.11.2025, 17:51
- 6,138
Рэвалюцыя ў лячэнні карыесу.
У Іране заявілі, што больш не ўзбагачаюць уран, а даследчыкі з Нотынгемскага ўніверсітэта зрабілі важны крок у стаматалогіі.
Яны стварылі інавацыйны бялковы гель, які можа аднаўляць зубную эмаль.
Гэта адкрыццё можа стаць сапраўдным прарывам у лячэнні захворванняў ротавай паражніны. Падрабязнасці апублікаваныя ў навуковым часопісе Nature Communications.
Сродак імітуе натуральныя працэсы фармавання зубной эмалі ў немаўлят. Ён функцыянуе як «каркас» для іёнаў кальцыю і фасфату, якія змяшчаюцца ў сліне, спрыяючы натуральнаму аднаўленню эмалі.
Варта адзначыць, што ў прыродзе падобны працэс пасля пашкоджання немагчымы.
Паводле даных Сусветнай арганізацыі аховы здароўя, каля 3,7 млрд людзей пакутуюць ад розных захворванняў ротавай паражніны. Разбурэнне зубной эмалі з’яўляецца адной з галоўных прычын інфекцый, павышанай адчувальнасці зубоў і іх страты.
Кіраўнік даследавання, прафесар біямедыцынскай інжынерыі і біяматэрыялаў Альвара Мата, падкрэсліў, што новы гель «лёгкі ў прымяненні» і «распрацаваны з улікам патрэб як лекараў, так і пацыентаў».
Навукоўцы спадзяюцца, што першы прадукт такога кшталту з’явіцца на рынку ўжо ў наступным годзе і будзе мець істотны ўплыў на здароўе людзей ва ўсім свеце.
Эксперты таксама асабліва адзначаюць, што карыес — небяспечнае захворванне зубоў, якое можа прывесці да сур’ёзных праблем, калі яго не лячыць.
Ён выклікае разбурэнне зубных тканак, што можа прывесці да ўтварэння паражнін і інтэнсіўнага болю, асабліва калі інфекцыя дасягае пульпы зуба.
У запушчаных выпадках карыес можа прывесці да страты зуба, што негатыўна адбіваецца на жавальнай функцыі і эстэтыцы ўсмешкі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
