Назвалі краіну з самай смачнай ежай

У беларусаў яна вельмі папулярная.

Сусветна вядомы часопіс Condé Nast Traveler правёў апытанне чытачоў і склаў рэйтынг краін з самай смачнай ежай. У выніку першую пазіцыю заняў Тайланд.

Турысты паставілі гэтай краіне 98,33 балаў са 100 магчымых. Падарожнікі адзначылі не толькі яе багатую гастранамічную спадчыну, але і той факт, што разнастайныя і смачныя тайландскія стравы заўсёды падаюцца з асаблівай цеплынёй і традыцыйнай гасціннасцю.

Пры гэтым не мае значэння, ідзе гаворка пра дарагія рэстараны, вулічныя кавярні або стрытфуд.

Дарэчы, у Тайландзе даволі шмат рэстаранаў, рэкамендаваных гідам «Мішлен», уключна са зорнымі ўстановамі на Пхукеце, у Аюттхаі, у Бангкоку. Паводле дадзеных CNN, 7 рэстаранаў Бангкока ўваходзяць у спіс 35 найлепшых у свеце.

Сярод краін, папулярных у беларусаў, у рэйтынгу самых смачных таксама значацца Турцыя і Шры-Ланка.

Поўны спіс Condé Nast Traveler 2025 выглядае так:

1. Тайланд

2. Італія

3. Японія

4. В'етнам

5. Іспанія

6. Новая Зеландыя

7. Шры-Ланка

8. Грэцыя

9. Паўднёвая Афрыка

10. Перу

11. Мальдывы

12. Калумбія

13. Марока

14. Францыя

15. Турцыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com