У цэнтры Мінска заўважылі ястраба

Арнітолаг распавёў, ці нармальна гэта.

Самку ястраба-перапелятніка ў сябе за акном на мінскай вул. Леаніда Бяды заўважыла чытачка Анастасія і падзялілася фота са martpress.by. Што прывяло крылатага драпежніка ў цэнтр буйнога горада, спыталі ў арнітолага Аляксандра Вінчэўскага.

– Перапелятнікі сустракаюцца ў Мінску, некаторыя з іх нават гняздзяцца ў буйных гарадскіх парках, але да зімы іх, сапраўды, становіцца больш, – распавядае эксперт. – Гэтыя ястрабы прылятаюць у гарады следам за сваёй здабычай – сініцамі і снягірамі, якія перабіраюцца бліжэй да чалавека ў пошуках корму.

Перапелятнікі палююць майстэрска. Спачатку выглядаюць ахвяру з вышыні, а затым знікаюць з поля зроку і ўжо імкліва нападаюць «з-за кута». Могуць даганяць свой будучы абед нават у зарасніках кустоў. А самі драпежнікі становяцца здабычай для тэтэравятнікаў, філінаў і куніц.

Аляксандр Вінчэўскі дадае, што зімой у сталіцы таксама можна ўбачыць ястрабаў-тэтэравятнікаў, часам тут зімуюць пустальга і сапсан.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com