У дзвюх абласцях РФ абмежавалі працу інтэрнэту

Карыстальнікам даступныя толькі зацверджаныя дзяржавай рэсурсы.

У Белгарадскай і Растоўскай абласцях увялі рэжым працы інтэрнэту па «белых спісах», пры якім карыстальнікам даступныя толькі зацверджаныя дзяржавай рэсурсы. Як паведамляе «Пепел», у Белгарадзе абаненты аператараў Т2, Yota і МТС маюць злучэнне 4G/LTE, але не могуць зайсці на многія сайты, уключаючы Google. Таксама ў іх не абнаўляецца Telegram, піша The Moscow Times.

Аналагічная сітуацыя склалася ў Растове-на-Доне, дзе, паводле «Блокнота», адбылося «рэкорднае падзенне» мабільнага інтэрнэту. Жыхары горада, як піша выданне, могуць карыстацца толькі сервісам «ВКонтакте» і месенджарам Max, таксама часткова працуе браўзар «Яндэкс», у той час як доступ да Google цалкам заблакаваны.

Міністэрства лічбавага развіцця ў верасні прадставіла пералік рэсурсаў, доступ да якіх захоўваецца пры ўвядзенні абмежаванняў. Тады ў яго ўвайшлі сэрвісы «Госуслуг», «ВКонтакте», «Одноклассники», Mail.ru, нацыянальны месенджар Max, сэрвісы «Яндэкса», Rutube, афіцыйныя сайты плацежнай сістэмы «Мір», урада і Адміністрацыі прэзідэнта РФ, партал дыстанцыйнага электроннага галасавання і сайты аператараў «Білайн», «Мегафон», МТС, «Ростэлеком» і Т2. У міністэрстве тады падкрэслівалі, што спіс не з’яўляецца канчатковым.

У лістападзе міністэрства пашырыла набор дазволеных рэсурсаў: у яго дадалі сайты Дзярждумы, федэральных міністэрстваў, службаў і агенцтваў, рэгіянальных урадаў, Генпракуратуры, «Пошты Расіі», Альфа-Банка і дзяржаўнай сістэмы лічбавай маркіроўкі «Чэсны знак». З СМІ ў «белы спіс» уключылі «Камсамольскую праўду», РБК, «Газету.ру», «Ленту.ру», а таксама Rambler. Акрамя таго, у пералік трапілі сайт РЖД, сэрвіс «Туту.ру», навігатар 2ГИС, таксі «Максім» і пагодны рэсурс Gismeteo.

У міністэрстве заявілі, што гэтыя сайты і прыкладанні «застануцца даступнымі нават у перыяды абмежаванняў», і што мабільныя аператары ўжо ўкаранілі неабходныя налады.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com