«25 кубаметраў вады ўцякло»

Беларуска распавяла, як яе сям’я заплаціла рэкордную камуналку.

Беларусы ў сацсетках цяпер актыўна абмяркоўваюць «падаражэлыя» жыроўкі. Берасцянка Антоніна Каваленак распавяла, як яе сям’я выкарыстала 25 кубаметраў вады за месяц, з-за чаго давялося плаціць і за камуналку больш. Сваёй гісторыяй жанчына падзялілася ў TikTok.

Выява носіць ілюстрацыйны характар. Фота: TUT.BY

У Беларусі норма спажывання вады — 140 літраў у суткі на аднаго чалавека. За месяц гэта каля 4,2 кубаметра на кожнага жыхара. У выпадку перавышэння нормы плаціць даводзіцца па поўных тарыфах.

Па словах Антоніны, у іх у сям’і трое: яна, муж і двухгадовая дачка Каміла. Менавіта з-за дзіцяці выдатак вады вырас да такіх паказчыкаў.

— Каміла любіць купацца так, каб вада пастаянна цякла. Калі яе выключаеш, яна падыходзіць і зноў уключае, — тлумачыць жанчына. — Таму я дастаю корк, каб вада сыходзіла, і паралельна вада льецца [з крана].

Па словах берасцянкі, раней выдатак вады ў сям’і быў значна меншы — ніхто не чакаў, што за месяц «ўцячэ» 25 кубаметраў. З-за гэтага сям’і налічылі камуналку большую за звычайную — 200 рублёў.

У каментарах да відэа некалькі чалавек падзяліліся падобнымі гісторыямі:

«У нас так жа. Толькі мы яшчэ і купацца любім тры разы на дзень».

«Я кожны месяц трачу 24 кубы. Жывуць чатыры чалавекі, дзве сям’і. У кожнага свая пральная машына, і ўсе памыцца пасля працы не супраць».

Былі і прыхільнікі ашчаднага спажывання:

«Нас шэсць чалавек, і столькі не выцякае».

«А мне шкада не грошай, а вады, ніколі без патрэбы ваду не адкрываю».

TikTok - Make Your Day

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com