Месі пабіў «вечны» сусветны рэкорд вялікага Пушкаша

Упершыню ў гісторыі футболу.

Аргенцінец Ліянэль Месі стаў новым сусветным рэкардсменам па колькасці выніковых перадач: ён давёў свой паказчык да 405 асістаў. Такім чынам ён перасягнуў дасягненне легенды венгерскага футболу Ферэнца Пушкаша, чый рэкорд трымаўся з 1966 года.

38-гадовы Месі аформіў гістарычную галявую перадачу ў паўфінале Кубка Галоўнай лігі сокера ЗША (МЛС), дзе «Інтэр Маямі» разграміў «Нью-Ёрк Сіці» з лікам 5:1 на «Чэйз Стадыёне» ў Форт-Лодэрдэйле.

Дзякуючы гэтаму яго агульная статыстыка дасягнула 405 асістаў у 1136 матчах за «Барселону», ПСЖ, «Інтэр Маямі» і зборную Аргенціны.

Пушкаш, які выступаў за «Рэал», зборную Венгрыі і зборную Іспаніі, завяршыў кар’еру з вынікам у 404 выніковыя перадачы. Яго паказчык заставаўся недасягальным амаль шэсць дзесяцігоддзяў, што і забяспечыла яму статус «вечнага» рэкардсмена да сённяшняга моманту.

У самой гульні хэт-трык аформіў аргенцінец Тадэа Альендэ, яшчэ забілі Мацэа Сільветці і Теласка Сеговія. Галявую перадачу, апроч Месі, на свой рахунак запісаў і Жордзі Альба, канчаткова аформіўшы ўпэўнены выхад «Інтэра Маямі» ў фінал турніру.

У гэтым сезоне Лео правёў 40 матчаў ва ўсіх спаборніцтвах: на яго рахунку 38 галоў і 22 асісты, а кантракт з клубам дзейнічае да канца 2028 года. У фінале «Інтэр Маямі» згуляе з «Ванкувер Уайткэпс», вырашальны матч прызначаны на 6 снежня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com