Расійскіх акупантаў зноў загналі ў трубу

Расіяне здаліся ў палон ЗСУ.

Расійскія акупанты «Скаўт» і «Даўлет», якія здаліся ў палон ЗСУ на Канстанцінаўскім напрамку, распавялі, як больш за двое сутак паўзлі па каналізацыйнай трубе, каб разгарнуць для «карцінкі» трыкалор.

Відэа з допытам палонных апублікавала 12-я брыгада спецыяльнага прызначэння «Азоў».

«Чаму расіяне так любяць каналізацыю? Гэта аповед пра падземныя санкі, «сцягавтык» любой цаной і бясконцыя «мясныя» штурмы. А таксама пра чалавечае стаўленне да палонных з боку азоўцаў, якія імкнуцца вярнуць сваіх пабрацімаў з няволі», — растлумачылі ў брыгадзе.

Калі акупанты дапаўзлі да «пункта» прызначэння, яны яшчэ пэўны час перасоўваліся па адкрытай мясцовасці. Праз некаторы час яны атрымалі паведамленне ад свайго камандавання, што ім скінуць з дапамогай беспілотніка «падарунак».

Аднак замест ежы і вады, на якія яны разлічвалі, расіяне атрымалі трыкалор — ім загадалі разгарнуць яго ў населеным пункце, каб імітаваць захоп тэрыторыі. Палонныя кажуць, што самі шакаваныя такім стаўленнем сваіх камандзіраў.

Упершыню расійскія войскі выкарысталі падземную трубу, каб зайсці ў тыл украінскіх пазіцый у Аўдзееўцы ў студзені 2024 года.

Другі раз армія РФ выкарыстала гэтую ж тактыку ў сакавіку 2025 года: спрабавалі падступіцца да Суджы ў Курскай вобласці па трубе газаправода.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com