Лукашэнка «знік» у Амане: што яго звязвае з гэтай краінай

Тры факты.

Прыляцеўшы 28 лістапада ў Аман, Аляксандр Лукашэнка «знік»: станам на раніцу 1 снежня няма ніякай інфармацыі пра ход яго «працоўнага візіту». Што звязвае рэжым з гэтай дзяржавай Аравійскага паўвострава? Пра гэта піша «Салідарнасць».

Лукашэнка ўжо лётаў у Аман год таму: там ён хадзіў на экскурсіі

У сярэдзіне снежня 2024 года кіраўнік Беларусі ўпершыню з 2007-га злятаў у Аман.

Пры гэтым два дні прысвяціў экскурсіям.

Султан Амана быў у Мінску з візітам паўтара месяца таму

Пасля гэтага візіту адносіны двух краін пачалі хутка развівацца.

Тады ў афіцыйных перамовах з Хайсамам бен Тарэкам Аль Саідам удзельнічаў таксама старэйшы сын кіраўніка Віктар.

Па выніках перамоў было заяўлена пра планы Амана па будаўніцтве цэлюлозна-картоннага камбіната ў Беларусі з уражлівым аб'ёмам інвестыцый у 1,4 млрд долараў. Навошта гэта Аману — пакуль не зусім зразумела.

Лукашэнка марыць пра стварэнне турысцкага кластара ў Амане

Таксама пасля перамоў кіраўнік Беларусі заявіў:

– Нам выдзяляюць зямлю, каб мы там стварылі свой велізарны турысцкі кластар. Каб людзі маглі лятаць не толькі ў Турцыю і Эміраты.

Адзначым, што з лютага гэтага года стартавалі прамыя чартарныя рэйсы з Мінска ў Аман. Але ляцець доўга і даволі дорага.

Пакуль можна толькі меркаваць, чаму кіраўнік «знік» падчас новага візіту ў Аман. З улікам характару леташняй паездкі можна дапусціць, што Лукашэнка заняты адпачынкам. Раней ён пастаянна лятаў адпачываць у зімовы перыяд у суседнія ААЭ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com