Беларуска наросціла валасы ў майстра дома, а пасля звярнулася ў суд

Яна сутыкнулася з болем, свербам і выпадзеннем пасмаў.

Жыхарка Мазыра праз суд спагнала кампенсацыю з майстра па нарошчванні валасоў пасля таго, як неякасна аказаная паслуга прывяла да болю, свербу і выпадзення валасоў, піша «Гомельская праўда».

Гісторыя пачалася на пачатку красавіка, калі 30-гадовая жанчына звярнулася да майстра дома, каб зняць старое нарошчванне і зрабіць новае — біяпратэінавае. Працэдура каштавала 210 рублёў, аднак чэк спецыялістка не выдала.

Амаль адразу пасля працэдуры ў кліенткі з'явілася моцная галаўная боль, а таксама непрыемнае «пацягванне» валасоў. Яна паведаміла пра гэта майстру, але тая запэўнівала, што паставіла шмат капсул, і дыскамфорт пройдзе праз некалькі дзён. Аднак сітуацыя толькі пагаршалася: боль не знікала, скура галавы моцна свярбела, а валасы выпадалі клапамі.

У пошуках вырашэння жанчына звярнулася да іншага майстра — ужо ў афіцыйным салоне. Там ёй паведамілі, што нарошчванне выканана неякасна, і параілі тэрмінова яго зняць. Гэта пацвердзіла, што прычынай болю і свербу стала непрафесійная праца першай спецыялісткі, а не «праблемы з арганізмам», як тая спрабавала патлумачыць, раячы кліентцы папіць вітаміны ці жалеза.

У канцы красавіка пацярпелая зноў прыйшла да першага майстра — ужо, каб зняць няўдалае нарошчванне — і запатрабавала вярнуць грошы. Спецыялістка пагадзілася, але вярнула толькі 140 рублёў, патлумачыўшы, што астатнюю суму патраціла на матэрыялы. Жанчыну такі падыход не задаволіў, і яна звярнулася ў суд.

Суд Мазырскага раёна поўнасцю задаволіў пазоўныя патрабаванні. На карысць істцы спагналі 70 рублёў астатку выплачанай сумы, а таксама 200 рублёў кампенсацыі маральнай шкоды. Акрамя таго, адказніца абавязаная выплаціць дзяржаўную пошліну ў памеры 210 рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com