Расійскі экспарт газу ў ЕС у 2025 годзе абрынецца на 44%
- 1.12.2025, 18:08
- 1,492
Страта ўкраінскага транзіту балюча ўдарыла па расійскім экспарце газу.
Экспарт трубаправоднага газу з Расіі ў Еўрапейскі саюз па выніках 2025 года можа скараціцца на 44% у параўнанні з 2024 годам, калі захаваецца бягучая дынаміка, паведамляе Reuters.
Паводле дадзеных еўрапейскай групы па транспартаванні газу Entsog, у студзені-лістападзе 2025 года РФ экспартавала праз "Турэцкі паток" у Еўрасаюз 16,3 млрд кубаметраў газу, што на 1,1 млрд кубаметраў больш, чым за аналагічны перыяд 2024 года. Пры гэтым аб’ёмы экспарту расійскага "блакітнага паліва" ў ЕС у лістападзе адпавядалі паказчыкам кастрычніка.
Выданне нагадвае, што "Турэцкі паток" — адзіны маршрут транзіту расійскага газу ў Еўропу пасля таго, як Украіна вырашыла не падаўжаць транзітнае пагадненне з Масквой, якое скончылася 1 студзеня 2025 года.
Паводле разлікаў Reuters, у 2024 годзе, калі расійскі газ паступаў і праз Украіну, экспарт газу "Газпрамам" у Еўропу вырас на 13% да прыкладна 32 млрд кубаметраў. Па выніках бягучага года, паводле разлікаў выдання, гэты паказчык не перавысіць 18 мільярдаў кубаметраў, пры ўмове захавання цяперашняй дынамікі.
Экспарт расійскага трубаправоднага газу ў Еўропу дасягнуў піку ў 2018–2019 гадах, склаўшы больш за 175–180 млрд кубаметраў у год.
У чэрвені 2025 года Еўракамісія прадставіла план адмовы ад расійскага газу і нафты, які прадугледжвае спыненне імпарту расійскага газу блокам з 2028 года.
Пасля працяглых абмеркаванняў і дыскусій 23 кастрычніка ЕС ухваліў 19-ы пакет санкцый супраць Расіі, які прадугледжвае, у прыватнасці, забарону на імпарт звадкаванага прыроднага газу з РФ са студзеня 2027 года.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
