Віктар Лукашэнка стаў спецпрадстаўніком бацькі ў Амане

Раней спецпасланцам дыктатара называлі Віктара Шэймана.

Аляксандр Лукашэнка 28 лістапада прыляцеў з працоўным візітам у Аман, пра першую публічную сустрэчу паведамілі 1 снежня. Дыктатар разам з сынамі Віктарам і Мікалаем сустрэўся з султанам Амана Хайсамам бін Тарэкам Аль Саідам. МЗС краіны назваў раней невядомую пасаду старэйшага сына Лукашэнкі, заўважыла «Зеркало».

«З беларускага боку ў сустрэчы ўзялі ўдзел два сыны яго эксцэленцыі «прэзідэнта»: яго эксцэленцыя Віктар Лукашэнка, спецыяльны прадстаўнік «прэзідэнта» Рэспублікі Беларусь і прэзідэнт Алімпійскага камітэта, і Мікалай Лукашэнка, а таксама шэраг беларускіх службовых асоб», — сказана ў паведамленні МЗС Амана.

Раней спецпасланцам Лукашэнкі называлі Віктара Шэймана, які адказваў у тым ліку за супрацоўніцтва з Афрыкай.

З трыма прадстаўнікамі сям'і Лукашэнкі абмяркоўваліся «накірункі інвестыцыйнага і эканамічнага партнёрства дзвюх сяброўскіх краін, а таксама шляхі яго актывізацыі з мэтай забеспячэння агульных інтарэсаў і садзейнічання росту эканомік Амана і Беларусі».

Ад Амана на сустрэчы, акрамя султана, былі яго сын і міністр культуры Саід Тэязін бін Хайсам Аль Саід, а таксама кіраўнік асабістай канцылярыі Хамад бін Саід Аль Аўфі і кіраўнік Інвестыцыйнага агенцтва Амана Абдул Салам бін Мухамед Аль Муршыдзі.

Нагадаем, у Аман Аляксандр Лукашэнка прыляцеў з М'янмы. Да гэтага ён наведаў Кыргызстан.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com