ЗША выстаўлі Турцыі ультыматум наконт вяртання да праграмы F-35
2- 10.12.2025, 10:13
- 2,438
Паміж Вашынгтонам і Анкарой працягваюцца перамовы.
ЗША патрабуюць ад Турцыі адмовіцца ад расійскіх сістэм супрацьпаветранай абароны С-400, калі Анкара хоча вярнуцца да праграмы вытворчасці і закупкі знішчальнікаў F-35.
Аб гэтым заявіў пасол ЗША ў Турцыі Том Баррак, паведамляе Bloomberg.
Паводле яго слоў, паміж Вашынгтонам і Анкарой працягваюцца перамовы па расійскіх комплексах, якія Турцыя набыла амаль дзесяць гадоў таму. У той жа час Турцыя выяўляе «жаданне зноў далучыцца» да праграмы F-35, з якой яе выключылі пасля закупкі С-400.
Баррак падкрэсліў, што пазіцыя ЗША і саюзнікаў па НАТА застаецца нязменнай — Анкара не можа эксплуатаваць або валодаць С-400, калі хоча вярнуцца да праграмы F-35.
«Як прадугледжана заканадаўствам ЗША, Турцыя больш не павінна эксплуатаваць або валодаць сістэмай С-400, каб вярнуцца да праграмы F-35», — падкрэсліў пасол.
Ён адзначыў, што асабістыя кантакты прэзідэнта ЗША Дональда Трампа і лідара Турцыі Рэджэпа Таіпа Эрдогана дазволілі правесці «найбольш плённыя за дзесяцігоддзі» перамовы на гэтую тэму.
«Мы спадзяёмся, што гэтыя перамовы прывядуць да прарыву ў найбліжэйшыя месяцы, які будзе адпавядаць патрабаванням бяспекі як ЗША, так і Турцыі», — сказаў пасол.
Раней ён заяўляў, што Турцыя «набліжаецца да пазбаўлення ад С-400», і пытанне тэарэтычна можа быць вырашана цягам 4–6 месяцаў.
У Турцыі ж разлічваюць, што ЗША могуць адмяніць санкцыі супраць яе абароннай прамысловасці без патрабавання адмовіцца ад расійскіх ракет.
Нагадаем, што Анкара набыла комплексы С-400 пасля спробы перавароту 2016 года, калі путчысты выкарыстоўвалі амерыканскія знішчальнікі F-16 для ўдараў па парламенце і наваколлях прэзідэнцкага палаца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
