Расійскія школьнікі масава скупляюць беларускія цукеркі з алкаголем

Трэнд разагналі сацсеткі.

Падлеткі ў Расіі пачалі актыўна купляць шакаладныя «чарачкі» і «бутэлькі» з лікёрам і каньяком унутры.

Як сцвярджае расійскае выданне «База», попыт падскочыў напярэдадні навагодніх мерапрыемстваў пасля вірусных відэа ў сацсетках. Алка-салодкасці — у тым ліку прадукцыя беларускага вытворцы — падлеткі заказваюць проста на маркетплэйсах і бяруць з сабой на школьныя святы.

Сцвярджаецца, што змесціва такіх цукерак хапае прыблізна на палову чарачкі. Наборы каштуюць да дзвюх тысяч рублёў. Кампактны фармат і «магчымасць пранесці незаўважна» сталі галоўнымі аргументамі, якімі дзеляцца падлеткі ў сацсетках.

Аднак частка школьнікаў прызнаецца, што дрэнна пераносіць салодкасці з алкаголем. «Пасля двух штук пачало млосціць, галава закружылася», — распавядаюць яны. Сімптомы карыстальнікі звязваюць з рэзкім ап’яненнем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com