Марскія дроны СБУ падбілі яшчэ адзін танкер «ценявога флоту» РФ у Чорным моры

Відэа.

Марскія дроны Службы бяспекі Украіны 10 снежня паразілі ў Чорным моры яшчэ адзін падсанкцыйны танкер РФ са складу так званага «ценявога флоту». Паводле папярэдняй інфармацыі, судна выведзена з ладу.

Пра гэта паведамляе РБК-Украіна са спасылкай на ўласныя крыніцы ў СБУ.

Паводле дадзеных крыніц, марскія дроны СБУ Sea Baby 10 снежня атакавалі ў Чорным моры танкер Dashan са складу «ценявога флоту» Расіі. Танкер маскіруе сваю прыналежнасць сцягам Каморскіх астравоў.

Судна было перахоплена ў выключнай эканамічнай зоне Украіны, калі на максімальным ходзе і з выключаным транспондарам рухалася ў бок партавага тэрмінала «Наварасійск». У выніку атакі танкер атрымаў крытычныя пашкоджанні і цалкам выведзены з ладу — магутныя выбухі выдатна бачны на відэа, якое паказалі крыніцы.

Прыблізны кошт танкера — 30 млн долараў, а за адзін рэйс ён здольны перавезці нафты на 60 мільёнаў долараў. Танкер Dashan знаходзіцца пад шэрагам санкцый, у тым ліку ўведзенымі Украінай, Еўрапейскім саюзам, Вялікабрытаніяй, Канадаю, Аўстраліяй і Швейцарыяй.

Аперацыю праводзілі 13-е Галоўнае ўпраўленне вайсковай контрвыведкі СБУ і Ваенна-марскія сілы Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com