Маскву і вобласць атакавалі беспілотнікі

Затрымліваюцца дзясяткі авіярэйсаў, гучаць выбухі.

Увечары 10 снежня і пасля поўначы ў Маскве і Маскоўскай вобласці абвясцілі паветраную трывогу з-за пагрозы беспілотнікаў: у рэгіёне прагрымела серыя выбухаў, улады заяўляюць пра збіццё беспілотнікаў і падзенне іх абломкаў, піша «Фокус».

У маскоўскіх аэрапортах «Расавіяцыя» ўвяла абмежаванні на авіярэйсы з-за атакі беспілотнікаў, у сувязі з чым затрымліваюцца дзясяткі авіярэйсаў. Пра гэта паведамілі расійскія СМІ.

Толькі ў расійскім аэрапорце «Шарамецьева» затрымліваюцца прынамсі 20 рэйсаў, сцвярджаюць мясцовыя тэлеграм-каналы. Выбухі прагрымелі ў Адзінцоўскім і Раменскім акругах Маскоўскай вобласці, пішуць СМІ.

Часовыя абмежаванні «Расавіяцыя» ўвяла таксама для аэрапортаў «Дамадзедава» і «Внукава». Як сцвярджае медыя Mash, усяго ў аэрапортах Масквы адмянілі 27 рэйсаў на адлёт і яшчэ столькі ж на пасадку.

Мэр Масквы Сяргей Сабянін паведаміў пра нібыта збіццё прынамсі васьмі ўдарных беспілотнікаў, якія ляцелі ў кірунку расійскай сталіцы, па стане на 00:45.

«Адбіта атака яшчэ аднаго беспілотніка, які ляцеў на Маскву. Спецыялісты экстрэнных службаў працуюць на месцы падзення абломкаў», — цытуюць заяву Сабяніна расійскія СМІ.

Інфармацыі пра наступствы або пацярпелых у выніку атакі на момант публікацыі не паступала.

Таксама расійскія СМІ паведамляюць пра беспілотнікі і выбухі над Тулай. Мясцовыя сцвярджаюць, што прагрымела не менш як 7 выбухаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com