Кітай упершыню падняў у неба гіганцкі «авіяносец дронаў»

Пекін дэманструе зростаючую перавагу ў беспілотных тэхналогіях на фоне ваеннай мадэрнізацыі.

Кітай здзейсніў першы палёт «Цзютянь» — звышвялікім беспілотнікам, які ў краіне ўжо называюць «ляцячым авіяносцам дронаў». Як паведамляе Bloomberg, выпрабаванні адбыліся ў правінцыі Шэньсі.

Беспілотнік «Цзютянь» («Дзевяць нябёсаў») параўноўваюць з авіяносцам з-за яго здольнасці запускаць вялікую колькасць беспілотнікаў і ракет. Гэта самая вялікая вядомая платформа такога тыпу ў свеце. Машына можа перавозіць да шасці тон узбраення, мае восем вузлоў падвескі для кіраваных бомбаў, ракет «паветра-паветра», супрацькарабельных ракет і нават беспілотнікаў-камікадзэ.

Адной з ключавых асаблівасцяў з'яўляецца магчымасць транспартаваць у фюзеляжы больш за 100 малых дронаў, якія запускаюцца роем для прарыву супрацьпаветранай абароны праціўніка. У той жа час эксперты адзначаюць, што вялікія памеры апарата могуць зніжаць яго малазаметнасць у баі.

«Цзютянь» упершыню паказалі на авіясалоне ў Чжухаі летась. Беспілотнік вырабляе дзяржаўная кампанія Xi'an Chida Aircraft Parts Manufacturing Co. Ltd. Перш чым яго паставяць на ўзбраенне Народна-вызваленай арміі, самалёт павінен прайсці шэраг дадатковых выпрабаванняў.

Мадэрнізацыя арміі і антыкарупцыйныя чысткі

Кітай актывізуе развіццё беспілотных сістэм, паралельна дэманструючы новае ўзбраенне — ад дэсантных караблёў да баявых дронаў, прадстаўленых на парадзе ў Пекіне ў верасні з удзелам Сі Цзіньпіна. Так Пекін працягвае курс на ўмацаванне свайго ваеннага патэнцыялу і саперніцтва з ЗША.

У той жа час у КНР працягваюцца маштабныя ваенныя чысткі. Амерыканская разведка лічыць, што карупцыя, у прыватнасці хабарніцтва ў ракетных войсках, падрывае абараназдольнасць і перашкаджае амбіцыям Сі, уключаючы патэнцыйны сцэнар уварвання на Тайвань.

Попыт на беспілотныя сістэмы рэзка вырас пасля пачатку поўнамаштабнай вайны Расіі супраць Украіны, дзе дроны даказалі сваю эфектыўнасць у знішчэнні танкаў, караблёў і іншай дарагавартаснай тэхнікі. Кітайская індустрыя актыўна развіваецца — ад грамадзянскіх вытворцаў DJI і Easy Fly да буйных абаронных прадпрыемстваў.

Новы «авіяносец дронаў» павінен стаць адной з самых магутных платформаў Пекіна ў сферы беспілотных узбраенняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com