Украіна перадала ЗША адказ на мірны план Трампа

Да гэтага Кіеў некалькі дзён кансультаваўся з еўрапейскімі партнёрамі.

Украіна 10 снежня перадала ЗША свой паэтапны адказ на апошні праект «мірнага плана Трампа», паведамляе Axios са спасылкай на ўкраінскіх і амерыканскіх чыноўнікаў.

Паводле выдання, кіраўнік Савета нацыянальнай бяспекі і абароны Украіны і галоўны перамоўшчык Уладзіміра Зяленскага Рустэм Умераў накіраваў адказ на мірны план прадстаўніку і зяцю Доналда Трампа Джарэду Кушнеру.

Крыніца ў Кіеве патлумачыла, што ўкраінскі варыянт дакумента ўтрымлівае заўвагі, удакладненні і прапановы, якія павінны зрабіць увесь праект мірнага пагаднення «ажыццявальным». Падрабязнасці гэтых праўкаў не прыводзяцца, але ўдакладняецца, што Украіна таксама прадставіла новыя ідэі, што тычацца спрэчных пытанняў — статусу тэрыторый і сітуацыі вакол Запарожскай АЭС.

Да гэтага Кіеў некалькі дзён кансультаваўся з еўрапейскімі партнёрамі — перадусім Францыяй, Германіяй і Вялікабрытаніяй.

Тым часам сам Трамп таксама правёў тэлефонную размову з лідарамі «вялікай тройкі» ЕС. Паводле яго слоў, абмеркаванне сітуацыі ва Украіне праходзіла «ў даволі рэзкіх выразах». Еўрапейскія лідары прапанавалі арганізаваць яго асабістую сустрэчу з Зяленскім у бліжэйшыя выхадныя дзе-небудзь у ЕС, аднак Трамп адрэагаваў стрымана, адзначыўшы, што не мае намеру «марнаваць час дарэмна».

Чакаецца, што ўжо 11 снежня высокапастаўленыя вайскоўцы ЗША і Украіны правядуць анлайн-сустрэчу, каб працягнуць абмеркаванне асобных палажэнняў мірнага плана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com